Za hod movu nie abaroniš: Parašenka padpisaŭ ukaz pra dziesiacihodździe ŭkrainskaj movy
Prezident Ukrainy Piatro Parašenka padčas rabočaj pajezdki ŭ Ivana-Frankoŭskuju vobłaść padpisaŭ ukaz pra abviaščeńnie z 2018 hoda dziesiacihodździa ŭkrainskaj movy. Ab hetym paviedamlajecca na sajcie prezidenta Ukrainy.
Pavodle jaho słoŭ, da jaho źviarnulisia navukoŭcy i paprasili abjavić 2018 hod — Hodam ukrainskaj movy. Adnak prezident admoviŭsia heta zrabić, «bo za adzin hod movu nie abaroniš».
«Ale ja pryniaŭ rašeńnie i padpisvaju ŭkaz pra toje, što z 2018 hoda my abjaŭlajem dziesiacihodździe ŭkrainskaj movy i zrobim usio mahčymaje dla taho, kab movu abaranić. Bo hałoŭnaje, što trymaje nacyju, što zabiaśpiečvaje jaje raźvićcio — ukrainskaja mova», — skazaŭ Parašenka.
Ukaz zaćviardžaje dziesiacihadovuju metavuju prahramu, jakaja pavinna zabiaśpiečyć «usiebakovaje raźvićcio i funkcyjanavańnie ŭkrainskaj movy jak dziaržaŭnaj va ŭsich śfierach hramadskaha žyćcia».