U Minabłvykankamie abaroncam Kurapataŭ paabiacali, što 1 červienia restaran nie adkryjecca
Abaroncy Kurapataŭ naviedali 31 maja Minabłvykankam i Ministerstva kultury, kudy pieradali petycyi suprać adkryćcia restaracyi «Pajedziem, pajadzim» u 50 metrach ad Kurapackaha memaryjału. Pra heta Radyjo Svaboda paviedamiła aktyvista Hanna Šapućka.
U Mienabłvykankamie z aktyvistami sustrełasia namieśnica ŭpraŭleńnia handlu Iryna Ivanovič, jakaja skazała, što «na 99,9% 1 červienia adkryćcia restaracyi nie budzie».
«Pradstaŭnica ŭpraŭleńnia handlu skazała, što paśla rezanansu ŭ ŚMI adbyłasia narada z udziełam staršyni abłvykankama, na jakoj było vyrašana ŭ hety dzień restaracyju nie adkryvać, — raspaviała Taciana Šapućka. — Ale ž jana skazała, što zhodna z dekretam № 7 adbyvajecca ŭsio vielmi chutka. To bok, kali jany tam užo zarehistravanyja, to mohuć padać zajavu ŭ Mienrajvykankam i choć na nastupny dzień adkryvacca».
Pavodle Šapućki, u Ministerstvie kultury skazali, što ŭžo nia majuć dačynieńnia da hetaha zabaŭlalnaha kompleksu, a pretenzij pa zonach achovy ŭ ich niama.