Novy kiraŭnik BRSM: My budziem zmahacca z prymusovym ustupleńniem u šerahi našaj arhanizacyi
Padčas 43-ha źjezda BRSM arhanizacyja abrała novaha kiraŭnika. Im staŭ 31-hadovy Dźmitryj Varaniuk, jaki da hetaha zajmaŭ pasadu pieršaha sakratara Minskaha abłasnoha kamiteta HA «BRSM». U kamientary Tut.by novy lidar arhanizacyi raskazaŭ, ci buduć prymušać ustupać u BRSM prymusova.
Siońnia ŭ BRSM znachodzicca 450 tysiač čałaviek. Novy lidar arhanizacyi zajaviŭ, što jon zaŭsiody byŭ kateharyčna suprać prymusovaha ŭstupleńnia ŭ arhanizacyju.
— Nakolki ja viedaju, ciapier užo daŭno takoha nie adbyvajecca. Ale my pravierym, i kali siarod našych supracoŭnikaŭ abo nastaŭnikaŭ jość tyja, chto prymušaje dziaciej ustupać u našy šerahi, my budziem z hetym zmahacca. Treba prosta raspaviadać, što za arhanizacyja i čym jana zajmajecca, a kožny małady čałaviek niachaj sam vybiraje, ustupać u jaje ci nie. Siońnia pakazčyk našaj paśpiachovaj raboty — heta kali ludzi, jakija pryjšli na naša mierapryjemstva, urazilisia i zachacieli ŭstupić u našy šerahi. Usie astatnija łozunhi — hłupstva i mišura. Treba, kab ludzi ŭstupali pa zakliku serca, pa žadańni. I kab ludzi da nas prychodzili i dapamahać inšym, i dla samaraźvićcia: my budziem rabić na hetym upor, budziem pravodzić treninhi, raźvivać maładych ludziej, — kaža Dźmitryj Varaniuk.