Na minskich vulicach vysychajuć kaštany
Nie paśpieŭ jašče skončycca maj, a liście kaštanaŭ uzdoŭž vulic častkova afarbavałasia ŭ iržavy koler, a dzie-nidzie i zusim zasochła i skruciłasia ŭ trubačku. Ahienctva «Minsk-Naviny» raźbirałasia, čamu drevy vyhladajuć takimi chvorymi.
Pa słovach kiraŭnika słužby pa dobraŭparadkavańni i ŭtrymańni abjektaŭ zialonaj haspadarki UP «Minskzielenbud» Anžaliki Puzankovaj, apiok liścia kaštanaŭ — vynik vykarystańnia soli dla procihałalodnaj apracoŭki vulic. Niahledziačy na pamyŭku kron i stvałoŭ, pralivy hleby, padkormki i inšyja zachady, jakija azielanicieli vykonvajuć paśla kožnaj zimy, chłaryd natryju ŭsio adno ŭpłyvaje na fizijałohiju raślin. Uździejničajuć na zielaninu i vychłapnyja hazy.
Dyk čamu ž uzdoŭž adnoj vulicy ŭ adnym šerahu drevy prykładna adnolkavaj vyšyni, a značyć, i ŭzrostu, vyhladajuć pa-roznamu: adny kaštany z pyšnaj kronaj, inšyja praktyčna łysyja?
Pa słovach Puzankovaj, u kožnaha dreva, jak i ŭ čałavieka, svoj imunitet. Niekatoryja pieranosiać niehatyŭnyja ŭździejańni horada horš za astatnich. Adnak vydalać kaštany, na jakich liście trymajecca tolki kala miesiaca, kab pasadzić na ich miescy novyja drevy, azielanicieli nie płanujuć.
Jana taksama dadała, što ŭ niekatorych miescach na hetyja drevy napadaje kaštanavaja mol, ličynki jakoj siłkujucca liściem raśliny, što pryvodzić da straty dekaratyŭnaści kron.