Vałanciory paskardzilisia ŭ milicyju na zatrymańni 25 sakavika. U ich nie paprasili prabačeńnia, ale padziakavali
Vałanciorka PC «Viasna», niezaležnaja naziralnica #ControlBy Nasta Łojka atrymała adkaz z UUS administracyi Savieckaha rajona h. Minska ad 25 maja.
U liście vykazvajecca padziaka za
«dziejnaść, nakiravanuju na pradastaŭleńnie hramadstvu abjektyŭnaj acenki chodu praviadzieńnia masavych mierapryjemstvaŭ».
Taksama UUS abaviazałasia ŭ dalejšym akazvać sadziejničańnie ŭ biaśpiecy naziralnikaŭ i bieśpieraškodnaha vykanańnia imi svaich funkcyj. Adnak, varta zaŭvažyć, što inšyja orhany takich abiacańniaŭ nie davali.
Choć UUS napisaŭ, što Śledčy kamitet pravioŭ pravierku, ale, vałanciory adznačajuć, što takoj pravierki nie pravodziłasia, i jany majuć namier paŭtorna nakiroŭvać skarhi.
Taksama načalnik UUS administracyi Savieckaha rajona h. Minska pałkoŭnik milicyi M. Hamołaŭ liście paznačyŭ, što jany vyvučyli zajavu Pres-sakratara viarchoŭnaha pradstaŭnika ES pa źniešniaj palitycy i biaśpiecy i zajavu Absiervatoryi pa abaronie pravaabaroncaŭ «u metach niedapuščeńnia parušeńniaŭ art. 35 Kanstytucyi (svaboda mirnych schodaŭ) i Mižnarodnaha pakta ab hramadzianskich i palityčnych pravach.
Razam z tym, UUS Savieckaha rajona nie prynieśli nijakich vybačeńniaŭ niezaležnym naziralnikam za zatrymańni 25 sakavika.