Namieśnik ministra ekanomiki pajedzie ŭ Kitaj pa novyja lhotnyja kredyty
Pytańni pradastaŭleńnia Biełarusi lhotnych kredytnych resursaŭ Kitaja abmiarkujuć 1 červienia ŭ Piekinie, paviedamlaje BiełTA.
Namieśnik ministra ekanomiki Pavieł Uciupin znachodzicca z pracoŭnym vizitam u Piekinie. Na 1 červienia zapłanavana jaho sustreča z namieśnikam staršyni Dziaržaŭnaha ahienctva mižnarodnaha raźvićcia i supracoŭnictva Čžoŭ Luczyniem.
Dziaržaŭnaje ahienctva mižnarodnaha raźvićcia i supracoŭnictva stvorana padčas strukturnaj reformy dziaržorhanaŭ Kitaja, abvieščanaj sioleta ŭ sakaviku. Jano adkazvaje za realizacyju palityki i reform u halinie źniešniaj dapamohi.