Hiermanija i Aŭstryja robiać bolš strohim pamiežny kantrol
Abjadnoŭvajučy vysiłki ŭ achovie miežaŭ, ułady Hiermanii i Aŭstryi ŭzmacniajuć baraćbu suprać złačynnaści i nielehalnaj mihracyi. Supracoŭniki fiederalnaj palicyi FRH i Aŭstryi, a taksama bavarskaj ziamielnaj palicyi pačnuć sumiesnaje — uzmocnienaje patrulavańnie ŭ pahraničnych abłaściach ź piatnicy, 1 červienia, paviedamlaje Deutsche Welle sa spasyłkaj na ahienctva dpa.
Jak udakładniajecca ŭ paviedamleńni, na alpijskim pamiežnym pieravale Brenier uvodzicca sumiesnaje hiermana-aŭstryjskaje patrulavańnie. Zamiest parnych patruloŭ na dziažurstva buduć vychodzić pa troje palicejskich. Pieršapačatkovy termin dla hetych mierapryjemstvaŭ — try miesiacy, paśla čaho buduć padviedzieny vyniki.
Palicyjanty majuć namier bolš pilna kantralavać čyhunačnyja kamunikacyi, asabliva hruzavyja. Pa słovach pradstaŭnika fiederalnaj palicyi Hiermanii ŭ Miunchienie Tomasa Baravika, «my majem namier na rańnich stadyjach pieraškodzić nielehalnamu ŭjezdu na hruzavych ciahnikach, što niebiaśpiečna, i praduchilić niaščasnyja vypadki. Mihranty znoŭ i znoŭ ryzykujuć svaim žyćciom, staviačy na kartu ŭłasnyja žyćci».
U 2017 hodzie ŭ rehijonie, za jaki adkazvaje ŭpraŭleńnie fiederalnaj palicyi ŭ Miunchienie, z hruzavych ciahnikoŭ byli źniatyja kala 1000 nielehalnych mihrantaŭ. Jany sprabavali zajechać u Niamieččynu, chavajučysia pamiž hruzavych vahonaŭ abo na ich dachach.