Łukašenka prapanavaŭ pieraraźmierkavać asabovy skład pamiž armijaj i pahransłužbaj
Łukašenka daručyŭ vyvučyć mahčymaść pieraraźmierkavańnia asabovaha składu pamiž armijaj i pahransłužbaj. Pra heta jon zajaviŭ siońnia pry naviedvańni pahranzastavy «Dzivin» u Kobrynskim rajonie, piša BiełTA.
Kažučy ab aptymizacyi ŭ Biełarusi kolkaści vajskovych struktur, Alaksandr Łukašenka prapanavaŭ inšy padychod dla orhanaŭ pahransłužby. «Moža być, nam nie treba imknucca užo zanadta skaračacca ŭ pahranvojskach. Usio ž taki jany tut pastajanna ŭ bajavoj hatoŭnaści. I navučańnie daj boh. I dla budučyni jany ŭsio-tki ludziam dajuć bolš navykaŭ, choć by dla zvyčajnych motastrałkoŭ. Moža być, nam dzieści armii padkaracić na 2—3 tys., pakinuŭšy im (pamiežnikam) hetuju kolkaść. Chaj jany buduć na kožnaj zastavie pa 5—10 čałaviek», — skazaŭ kiraŭnik dziaržavy.