Ispanski parłamient pazbaviŭ Maryjana Rachoja pasady premjera
Kiraŭnik urada adpraŭleny ŭ adstaŭku na fonie karupcyjnaha skandału. Kabiniet ciapier uznačalić lidar apazicyi sacyjalist Pedra Sančes.
AP
Nižniaja pałata ispanskaha parłamienta adchiliła premjer-ministra Maryjana Rachoja ad pasady. Hałasavańnie adbyłosia ranicaj 1 červienia.
Za adchileńnie prahałasavała 180 deputataŭ z 350, heta značyć, krychu bolš za pałovu parłamientaryjaŭ. Pryniaćcie rašeńnie ab adstaŭcy ŭrada patrabavała prostaj bolšaści hałasoŭ —176. Suprać vystupili 169 deputataŭ, jašče adzin ustrymaŭsia.
Zhodna z Kanstytucyjaj Ispanii, kali parłamient prahałasavaŭ za votum niedavieru ŭradu, jon padaje ŭ adstaŭku nieadkładna. Kandydatura novaha premjera prapanujecca zatym karalom u tym vypadku, kali imia patencyjnaha pierajemnika nie paznačana ŭ pieršapačatkovym chadajnictvie parłamientaryjaŭ za adstaŭku kabinieta.