A vy viedali, što kali ŭ vas adklučyli haračuju vadu, to možna pamycca na zapraŭcy?
top karysnych parad
«My ŭžo ŭsio, svajo adpakutavali. Najciažejšy maralna — vośmy dzień. Hałoŭnaje — nie zapić». U vas, napeŭna, taksama jość para trojka aniekdotaŭ pra adklučeńnie vady, blizkija i zrazumiełyja kožnamu biełarusu. Iranizavać u hetaj situacyi možna biaskonca, ale my sabrali idei, jak sabie dapamahčy.
U samych blizkich (fihuralna)
Narodnaja mudraść śćviardžaje, što moc siabroŭstva praviarajecca padčas adklučeńnia haračaj vady. Padumajcie, chto z vašych blizkich žyvie najdalej ad vas i praviercie pa hrafiku, ci jość u jaho haračaja vada. Kali jość — chapajcie ručnik, šampuń i cukierki (nu, u hości ž nibyta idziacie). Ale budźcie hatovyja, što chutka jany pryjduć da vas u zvarotki.
U łaźni
Tut dva varyjanty: pa-bahatamu i biudžetny.
Pa-bahatamu — adšukać łaźniu la voziera ci raki, jakuju možna arandavać na paru hadzin, dy pajechać ź siamjoj ci siabrami. Adpačyć, papłavać, paparycca. Možna i šašłyki arhanizavać, i ŭ miač pahulać.
Nu a kali toje arhanizavać ciažka, tady — hramadskaja łaźnia. U Minsku dźvie hadziny ŭ ahulnych hramadskich łaźniach kaštujuć u siarednim 8 rubloŭ, a voś hadzina ŭ saŭnach — 25 rubloŭ (na kampaniju).
Tam, dzie sport i vada
Spartyŭnyja zały, basiejny, akvaparki jak praviła abstalavanyja dušam (chacia lepš pazvanić udakładnić, pierš čym iści, bo mała ci što jakoje). Kali vy nie hatovyja radykalna zaniacca sportam, to možna pačać z bolš prostaha varyjantu: zapisacca, naprykład, na niekalki hadzin badmintonu ŭ «Minsk-Arenu» (tam u raspranalniach taksama jość dušy).
U ofisie (sacpakiet i ŭsio takoje)
A čamu nie? Jon ža chiba dla hetaha tam isnuje. Tolki dačakajciesia, pakul kalehi razyducca pa damach, kab nikoha nie traŭmavać efiektnym vychadam u ručniku.
Dy nabudźcie ŭžo vodanahravalnik
Uzhadvajecie vyraz tvaru ščaślivaha čałavieka, jaki maje vodanahravalnik, kali ŭ ofisie zachodziać razmovy pra adklučeńnie vady? Voś i vy z takim budziecie chadzić.
Tym, u kaho doma haz, byvaje karysna mieć hazavyja kałonki i katły, ale ich ustalavańnie — sprava surjoznaja, i haračuju vadu daduć raniej, čym vy pastavicie dymachody.
Našmat chutčej i praściej ustalavać elektravodanahravalniki. Tut jość niekalki varyjantaŭ: pratočnyja, jakija hrejuć vadu, pakul jana idzie, i nazapašvalnyja — bojlery, jany padtrymlivajuć vysokuju tempieraturu vady, jakaja znachodzicca ŭnutry ich.
Mocny pratočnik moža dazvolić prymać duš biaskonca, ale i elektraenierhii źjeść šmat. Tamu pierad pakupkaj varta hladzieć na kiłavaty (kVt), paznačanyja na ŭpakoŭkach, i raicca z pradaŭcom. Nu albo ŭziać bojler.
UNP 101541947
Kab nie pamylicca z nazapašvalnym vodanahravalnikam, treba padličyć usich členaŭ siamji i chatnich hadavancaŭ, jakija buduć ploskacca ŭ nahretaj bojleram vadzie. Ad hetaha zaležyć kolkaść patrebnych litraŭ. Jašče važna, što ŭ bojlera ŭnutry: emal, nieržaviejka, izalatar ci niešta inšaje. U kožnaha materyjału svaja śpiecyfika.
Kali abrać bojler z rozumam, to im možna budzie karystacca faktyčna pastajanna, a nie tolki ŭ čas adklučeńnia haračaj vady.
A nakont ekanomii — tut treba ličyć indyvidualna, u niekatorych vypadkach bojlery bolš ekanamična vyhadnyja, čym spažyvańnie haračaj vady z ahulnaj mahistrali.
U našych partnioraŭ Pawetra.by jość roznyja varyjanty vodanahravalnikaŭ pa roznych koštach i možna prakansultavacca naŭprost ź imi, jaki patrebny mienavita vam.
Vaźmicie vodanahravalnik u arendu
Majcie na ŭvazie, što niekatoryja kampanii prapanujuć vodanahravalniki ŭ arendu. Pryviazuć, ustalujuć, daduć dva tydni pakarystacca, a potym sami zabiaruć — za 55 rubloŭ.
Čas prydbać suchi šampuń
{NEWS}
Heta varyjant chutkaj dapamohi. Suchi šampuń kaštuje zvyčajna ŭ niekalki razoŭ daražej, čym zvyčajna, ale ŭ taki ciažki čas možna sabie dazvolić. Im vy, kaniečnie, nie pamyjeciesia, ale prynamsi aśviažycie vałasy i nadadzicie im bolš dahledžany vyhlad.
Zapišyciesia ŭ cyrulniu
Zvyčajna ž jak vychodzić? Pamyli hałavu ranicaj, a ŭ cyrulniu tolki ŭviečary — iznoŭ myjuć. Tut takoj nakładki ŭžo nie atrymajecca. Možna za paru tydniaŭ biez vady navat niekalki razoŭ zapisacca na roznyja pracedury.
Zirnicie na pralnuju mašynu pa-novamu
Varyjant, naturalna, dla biasstrašnych i adčajnych. I lepš dva razy padumajcie, pierš čym sprabavać heta praviarnuć. Abirajecie samy chutki režym z kipiačeńniem, ale nie zakidvajecie bializnu i parašok. Čakajecie, pakul mašynka nabiare vadu, nahreje jaje, zymituje myćcio i pačnie źlivać. Voś u hety momant nakiroŭvajecie šłanh u vannu — i vuala, možna mycca.
Zajedźcie na zapraŭku
U sietki zapravak «Biełaruśnafta» jość pasłuha «Duš». Vas puściać pamycca za 3,5 rubla, ale treba mieć svoj šampul, hiel i ručnik. U Minsku dźvie zapraŭki z takoj opcyjaj, jašče niekalki — niepadalok ad horada. A ŭvohule aktualna pa ŭsioj krainie.
Zdymicie kvateru ŭ inšym rajonie
Nie samy biudžetny varyjant, heta praŭda, zatoje źmiena abstanoŭki moža dapamahčy nie tolki pieražyć adklučeńnie haračaj vady, ale i palepšyć emacyjny stan, «abnulicca» i pačać pa-inšamu ŭsprymać svoj pastajanny dom i arhanizavanuju ŭ im prastoru.
Skarystajciesia «babulinym» sposabam
Aktualna, kali ŭ vas jość lecišča niepadalok ad horada i aŭtamabil. Napoŭnicie vialikija tary vadoj, pakińcie na ceły dzień na soncy. I ŭviečary paśla pracy vas budzie čakać cudoŭny letni duš!
Fota rb7.ru
A moža prosta ŭ adpačynak?
Naviedać baćkoŭ, u tur pa Biełarusi ci za miažu — čamu b i nie? U ciopłych krainach prymać vannu možna naŭprost u mory, a kali viernieciesia — užo i doma haračuju vadu ŭklučać, i prablemy jak nie było zusim.