Va Ukrainie zastreliŭsia režysior filma pra kibarhaŭ danieckaha aeraporta
Na Čarnihaŭščynie zastreliŭsia viadomy ŭkrainski režysior i suzasnavalnik mastackaha chutara «Abirak» Leanid Kanter.
Palicyja na miescy zdareńnia znajšła trup mužčyny sa skraznym ahniastrelnym ranieńniem u skivicu. Pobač ź ciełam pravaachoŭniki vyjavili aŭtamat.
Leanid Kanter — ukrainski pradziusar, režysior i padarožnik. U žniŭni 2014 jon syšoŭ dobraachvotnikam u 2-i bataljon Nacyjanalnaj hvardyi Ukrainy. Jaho siabar režysior Ivan Jasny ŭhavaryŭ uziać kamieru i zdymać film, jaki paśla nazvali «Vajna za svoj košt».
Bolš Leanid Kanter viadomy pa dakumientalnych filmach «Dobraachvotniki Božaj pary» (The Ukrainians) pra abaroncaŭ Danieckaha aeraporta i stužkaj «Mif» pra zahinułaha na Danbasie opiernaha śpievaka Vasila Ślipaka.