22-hadovy «vieteran BRSM» patłumačyŭ, adkul u jaho na hrudziach stolki miedaloŭ
Užo druhi dzień u biełaruskich sacsietkach abmiarkoŭvajecca fota z 43-ha źjezda BRSM, dzie pobač z kiraŭnikom Administracyi prezidenta Natallaj Kačanavaj staić małady chłopiec z zaviešanymi miedalami hrudźmi.
Fota sb.by
Internaŭty iranična prazvali chłopca «vieteranam BRSM» i vykazvajuć zdahadki, adkul u jaho stolki ŭznaharod.
«Naša Niva» znajšła chłopca, heta student 5-ha kursa Połackaha ŭniviersiteta Maksim Moštyl, jon vučycca na budaŭnika.
My spytalisia ŭ chłopca, što heta za nahrudnyja znaki ŭ jaho i za što.
«Kožnuju «calinu», kali jeździm na budoŭlu, my atrymlivajem znački: «Najlepšy budaŭnik», «Najlepšy spartoviec», «Najlepšy kamisar». Ja byŭ i najlepšym kamandziram, i najlepšym kamisaram!» — raskazaŭ Maksim.
«Va ŭniviersitecie mianie taksama ŭznaharodzili nahrudnym znakam. Rektar uznaharodžvaŭ — heta miedal za ŭniosak u patryjatyčnaje vychavańnie moładzi», — dadaŭ jon.
Kolki ŭsiaho ŭ jaho nahrudnych znakaŭ, chłopiec nie viedaje, ale kaža, što na tym fatazdymku na hrudziach daloka nie ŭsie.
Maksim — aktyvist budaŭničaha atrada «Eŭryka». Toj ściah, što jon trymaje ŭ rukach na fota, — heta akurat ściah najlepšaha budaŭničaha atrada.
A na hetym fota možna ŭbačyć, jak vyhladaje častka značkoŭ chłopca bujnym płanam.
Fota sa staronki Maksima UKantakcie