U stałovych Baranavickaha ŭniviersiteta miasa ŭ porcyjach zamianiali na darahuju harodninu
Kamitet dziaržkantrolu pravieryŭ arhanizacyju charčavańnia va ŭsich VNU krainy. Vyśvietliłasia, što Baranavickamu ŭniviersitetu harodninu miascovaj vytvorčaści niejkaja arhanizacyja pastaŭlała z 52% nadbaŭkaj da cany vytvorcy: u vyniku ahulnaja nadbaŭka była 80%, paviedamlaje sb.by.
Kab «upisacca» u patrabavanuju canu, u stałovaj źnižali kolkaść miasa abo ryby ŭ porcyi — zamiest 75-100 hramaŭ kłali 50.
Parušeńni znajšli nie tolki ŭ Baranavičach, ale i ŭ inšych VNU krainy.
Pa vynikach pravierak pa krainie było zroblena bolš za 50 vymoŭ i zaŭvah, šeść rabotnikaŭ hramadskaha charčavańnia zvolnili, mnohich pazbavili premii. VNU-parušalnikam nakiravanyja rekamiendacyi i dadzieny čas na vypraŭleńnie niedachopaŭ.