Na korpusie samalota Kačynskaha znajšli ślady vybuchoŭki
Na elemientach korpusa polskaha samalota Tu-154M, jaki raźbiŭsia pad Smalenskam u 2010 hodzie, a taksama na ciele sama mieniej adnoj achviary katastrofy znojdzieny ślady vybuchoŭki.
Pra heta havorycca ŭ zajavie polskaj padkamisii Ministerstva abarony pa rasśledavańni Smalenskaj katastrofy.
Padkamisija abviaściła ab zaviaršeńni ahladu i analizu dokazaŭ, jakija jość u rasparadžeńni Kamiteta ź miesca katastrofy samalota eks-prezidenta Lecha Kačynskaha.
Padkamisija taksama pryjšła da vysnovy, što niama nijakaj infarmacyi abo dokazaŭ, jakija b śviedčyli ab najaŭnaści vybuchovych rečyvaŭ u hlebie na miescy padzieńnia samalota.