BIEŁ Ł RUS

Drama dla sialan: na poŭdni ŭžo try tydni nie było daždžu

16.06.2018 / 11:45

Siarhiej Hiezhała

Try tydni na bolšaj častcy Bieraściejščyny ani krapnuła. Heta drama dla aharodnikaŭ i straty dla sialan: niekatoryja haspadarki ŭžo pačali pierasiavać zasochłyja pali.

«Raniej my maryli, kab prachodziŭ choć adzin doždž na tydzień. Ciapier — dobra kali na miesiac», — narakaje «Našaj Nivie» piensijanierka z Bresta Zinaida. Jana z mužam štodzień jeździć na daču, kab palivać aharod. 

Bieraściejščyna — samy ciopły rehijon Biełarusi. Kali dla centra i poŭnačy krainy paciapleńnie klimatu, adznačanaje apošnija dziesiacihodździ, pryniesła ciaplejšyja krasaviki i mai dy lahčejšyja zimy, to poŭdzień usio čaściej pakutuje na letniuju sušu.

Na žal, sinoptyki na nastupnyja 10 dzion daždžoŭ na Bieraściejščynie nie prahnazujuć. Čakajecca ciopłaje nadvorje ź dzionnymi tempieraturami ŭ dyjapazonie ad +24 da 30 hradusaŭ i načnymi — ad +14 da 20.

Čytajcie taksama:

Kamientary da artykuła