Taksi prataraniła piešachodaŭ u centry Maskvy: siarod paciarpiełych — zaŭziatary ź Mieksiki VIDEA
aściarožna, žorstkija kadry
@gucodd / twitter
U centry Maskvy aŭtamabil taksi vyjechaŭ na piešachodnuju častku i źbiŭ ludziej. Avaryja adbyłasia na vulicy Illincy, kala Haścinaha dvara. Kiroŭca zatrymany.
«Pa papiarednich dadzienych, pa miedycynskuju dapamohu źviarnulisia siem čałaviek. Papiaredniaja pryčyna DTZ - nie spraviŭsia z kiravańniem», - udakładnili RBK u pravaachoŭnych orhanach.
Siarod paciarpiełych — hramadzianie Mieksiki. Kiroŭca moh sieści za rul u stanie apjanieńnia. Ciažka paciarpiełych u vyniku DTZ, pa słovach krynicy, niama, adna žančyna znachodzicca ŭ stanie siaredniaj ciažkaści, u inšych stan zdavalniajučy.