U ZŠA zastrelili papularnaha 20-hadovaha repiera
Getty Images
U amierykanskim štacie Fłaryda nieviadomyja zastrelili rep-vykanaŭcu Džasieja Dujena Anfroja, viadomaha pad psieŭdanimam XXXTentacion. Pra heta paviedamlaje TMZ sa spasyłkaj na departamient šeryfa akruhi Broŭard.
Pa dadzienych partała, 20-hadovy repier vychodziŭ z ułasnaha motasałona. Kali jon padyšoŭ da svajoj mašyny, u jaho niekalki razoŭ strelili. Anfroj trapiŭ u komu, paźniej palicyja paviedamiła pra śmierć śpievaka.
U pravaachoŭnych orhanach zajavili, što napad na XXXTentacion ździejśnili dvoje čarnaskurych mužčyn u kapiušonach. U taho, chto stralaŭ, na tvary była čyrvonaja maska. Padazravanyja ŭ zabojstvie repiera źjechali na aŭtamabili čornaha koleru, vykraŭšy ŭ XXXTentacion sumku Louis Vuitton.