Zatrymany za karupcyju eks-kiraŭnik Leninskaha rajona Minska vyjšaŭ na volu
minsknews.by
Były kiraŭnik Leninskaha rajona Valeryj Kuleš, jakoha zatrymali letam 2016 hoda i jaki napisaŭ na imia prezidenta prašeńnie ab pamiłavańni, vyjšaŭ na volu. Pra heta TUT.BY raspaviali dźvie nie źviazanyja pamiž saboj krynicy.
— Užo 2-3 miesiacy, jak Kuleš vyjšaŭ [na svabodu]. Ale jon ni z kim na suviaź nie vychodzić, — kaža surazmoŭca. Jašče adzin čałaviek raspaviadaje, što bačyŭ eks-čynoŭnika ŭ horadzie niekalki miesiacaŭ tamu.
U pačatku lipienia 2016 hoda siłaviki zatrymali byłoha kiraŭnika administracyi Leninskaha rajona Minska pa padazreńni ŭ pieravyšeńni słužbovych paŭnamoctvaŭ, što ŭvachodzić u śpis karupcyjnych złačynstvaŭ.
U kastryčniku 2017 hoda staršynia Śledčaha kamiteta Ivan Naskievič paviedamiŭ, što kryminalnaja sprava ŭ dačynieńni da Kuleša pieradadziena prakuroru jašče ŭ mai 2017 hoda. Ale sud tak i nie adbyŭsia: eks-čynoŭnik na toj momant źviarnuŭsia da prezidenta z chadajnictvam ab pamiłavańni. Heta značyć, što jon pryznaŭ svaju vinu i kampiensavaŭ škodu.