Navalny abviaściŭ akcyju pratestu suprać pavyšeńnia piensijnaha ŭzrostu
Rasijski apazicyjanier Alaksiej Navalny abviaściŭ pra praviadzieńnie 1 lipienia akcyi pratestu ŭ suviazi z płanami ŭrada pavysić piensijny ŭzrost.
Paviedamleńnia ab praviadzieńni akcyi padadzienyja ŭ 20 haradach, zajaviŭ palityk. U ich lik nie ŭvachodziać Maskva, Sankt-Pieciarburh i šerah inšych bujnych haradoŭ, dzie prachodziać matčy čempijanatu śvietu pa futbole.
U paviedamleńni Navalnaha zhadanyja Biełharad, Bijsk, Ižeŭsk, Krasnadar, Krasnajarsk, Lipieck, Murmansk, Novasibirsk, Pskoŭ, Jarasłaŭl dy inš.
Na dumku Navalnaha, pavyšeńnie piensijnaha ŭzrostu - «samaje sapraŭdnaje złačynstva» i «rabavańnie niekalkich dziesiatkaŭ miljonaŭ čałaviek».
U siaredzinie červienia ŭrad RF abviaściŭ pra pastupovaje pavyšeńnie ŭzrostu vychadu na piensiju z 55 da 63 hadoŭ dla žančyn i z 60 da 65 hadoŭ dla mužčyn. Ułady śćviardžajuć, što hetaja miera dazvolić pavialičyć piensii niepracujučym piensijanieram.
Prafsajuznaja arhanizacyja Kanfiederacyja pracy stvaryła pietycyju suprać inicyjatyvy. Jaje padpisali bolš za 1,8 miljona čałaviek