U Mieksicy aryštavanaja ŭsia palicyja horada
Usich supracoŭnikaŭ palicyi mieksikanskaha horada Akampa (štat Huanachuata) aryštavali pavodle padazreńnia ŭ dačynieńni da zabojstva kandydata ŭ mery.
Pad vartu byli ŭziatyja 28 palicejskich. Jak adznačałasia ŭ zajavie ŭładaŭ štata, rasśledujucca imaviernyja parušeńni kodeksa pavodzin. Inšych padrabiaznaściej nie paviedamlałasia.
U toj ža čas miascovyja ŚMI napisali, što vartavyja paradku aryštavanyja z-za zabojstva kandydata ŭ mery horada Fiernanda Anchielesa Chuaresa. Mužčynu zastrelili 21 červienia.
U datyčnaści da złačynstva zapadozryli načalnika adździeła hramadskaj biaśpieki Akampa. Fiederalnyja ahienty pasprabavali aryštavać jaho 23 červienia, adnak im pieraškodzili miascovyja palicejskija. U vyniku było vyklikana padmacavańnie, i pad vartu ŭziali ŭsich supracoŭnikaŭ.