Skaračać dekretny adpačynak u Biełarusi nie buduć
Pytańnie skaračeńnia dekretnaha adpačynku ŭ Biełarusi nie razhladajecca. Pra heta zajaviŭ namieśnik ministra pracy i sacyjalnaj abarony Biełarusi Valeryj Kavalkoŭ padčas anłajn-kanfierencyi na sajcie Minpracy.
«U ciapierašni čas pytańnie ab źmianieńni paradku pradastaŭleńnia adpačynku pa dohladzie dziciaci ŭ Ministerstvie pracy i sacyjalnaj abarony nie razhladajecca», — skazaŭ Valeryj Kavalkoŭ, kamientujučy infarmacyju ŭ ŚMI ab mahčymym skaračeńni dekretnaha adpačynku.
U Biełarusi adpačynak moža być pradastaŭleny adnamu z baćkoŭ abo inšamu členu siamji da spaŭnieńnia troch hadoŭ z vypłataj dapamohi za ŭvieś pieryjad. Pry hetym adpačynak moža być vykarystany całkam abo pa častkach luboj praciahłaści jak adnym z baćkoŭ (členam siamji dziciaci), tak i padzieleny pamiž imi pa ich mierkavańni.