U Viciebskim rajonie syn z baćkam žorstka źbili naviedvalnikaŭ kafe
U Viciebskim rajonie syn z baćkam žorstka źbili naviedvalnikaŭ kafe ŭ noč na 24 červienia ŭ pasiołku Ruba, paviedamlaje USK pa Viciebskaj vobłaści.
U 30-hadovaha mužčyny paŭstaŭ kanflikt z kampanijaj maładych ludziej. Tady jon paklikaŭ svajho baćku, jaki źjaviŭsia na dapamohu z nažom i bitaj. Pjanyja baćka i syn biez razboru pabili naviedvalnikaŭ kafe, siarod jakich byli absalutna niedatyčnyja da kanfliktnaj situacyi ludzi. Paciarpiełymi ad ich dziejańniaŭ pryznanyja piać čałaviek, jakija atrymali traŭmy roznaj stupieni ciažkaści, u tym liku nažavyja ranieńni. Złamyśniki schavalisia ź miesca zdareńnia.
Kab paźbiehnuć kryminalnaj adkaznaści, ranicaj 24 červienia małady mužčyna pieraapranuŭsia ŭ novuju vopratku i samastojna źviarnuŭsia ŭ miedycynskuju ŭstanovu z traŭmaj hałavy, a zatym u milicyju z zajavaj ab pryciahnieńni da adkaznaści asob, jakija źbili jaho ŭ kafe. Tam jon i byŭ zatrymany, tamu što pravaachoŭniki na toj momant užo apieratyŭna adnavili karcinu načnych padziej. Starejšaha mužčynu supracoŭniki milicyi zatrymali pa miescy žycharstva.
Raspačata kryminalnaja sprava ab asabliva złosnym chulihanstvie.