Biełaruski bank znoŭ pasprabuje kupić «dačku» rasijskaha Śbierbanka va Ukrainie
Biełaruski Parytetbank, padkantrolny ŭpraŭleńniu spravami prezidenta Biełarusi, u druhi raz padaŭ zajaŭku na kuplu «dački» rasijskaha Śbierbanka va Ukrainie. U paviedamleńni pres-słužby biełaruskaha banka havorycca, što pakiet nieabchodnych dakumientaŭ užo ŭniesieny ŭ Nacyjanalny bank Ukrainy (NBU), jaki ŭ sakaviku 2018 hoda admoviŭsia ŭchvalić pieršuju prapanovu.
«U nas było dastatkova času, kab uvažliva vyvučyć patrabavańni rehulatara Ukrainy i naležnym čynam padrychtavacca da ŭdziełu ŭ pahadnieńni», — prakamientavaŭ druhuju sprobu kiraŭnik praŭleńnia Parytetbanka Siarhiej Białoŭ.
U paviedamleńni Parytetbanka adznačajecca, što finansavyja ŭmovy zajaŭki buduć apublikavanyja ŭ ramkach rehularnaj mižnarodnaj finansavaj spravazdačnaści banka ŭ vypadku adabreńnia zajaŭki Nacbankam Ukrainy.
U sakaviku 2018 hoda ŚMI nazyvali Parytetbank adzinym pretendentam na nabyćcio ŭkrainskaj «dočki» Śbierbanka Rasii. Adnak NBU admoviŭsia ŭzhadnić ździełku, spasłaŭšysia na nieadpaviednaść zajaŭnika patrabavańniam zakanadaŭstva Ukrainy.
Nahadajem, raniej u ŚMI paviedamlałasia, što Parytetank i rasijski Śbierbank va Ukrainie žadaŭ kupić IT-biznesmen Viktar Prakapienia, adnak paźniej jon admoviŭsia ad nabyćcia hetych aktyvaŭ.