Prajezd na MKAD dla hruzavikoŭ mohuć zrabić płatnym
U Minsku abmiarkoŭvajecca mahčymaść zrabić MKAD płatnaj dla hruzavoha transpartu. Pra heta paviedamiŭ načalnik adździeła techničnych srodkaŭ i sistem DAI HUUS Minharvykankama Dźmitryj Navoj BiełTA.
Dźmitryj Navoj adznačyŭ, što prajekt kiravańnia hruzavym rucham u Minsku zusim novy i jon budzie razhladacca ŭ najbližejšy čas na kamisii pa zabieśpiačeńni biaśpieki darožnaha ruchu pry Minharvykankamie.
Jon dadaŭ, što za prajezd pa MKAD praduhledžvajecca adzin taryf, a za ŭjezd u horad — vyšejšy. «Centralnaja ž častka horada dla hruzavikoŭ budzie začyniena, akramia tych, chto maje śpiecyjalny dazvoł. Płanujecca vykarystoŭvać čornyja i biełyja śpisy, kamunalny transpart nie budzie płacić, — adznačyŭ Dźmitryj Navoj.