«Mahiloŭskija viedamaści» pra transhiendaraŭ: «Jano» nam treba?
Hazieta «Mahiloŭskija viedamaści» vyrašyła paŭdzielničać u dyskusii pra ŁHBT i 22 červienia ŭ №47 vypuściła kałonku žurnalista Viktara Kubieki «Jano» nam treba?»
Raniej Kubieka užo zajaŭlaŭ pra svaju pazicyju — u 2015 hodzie jon napisaŭ dla «Viedamaściej» artykuł «Tradycyjny adkaz na nietradycyjnaje pytańnie», u jakim asudziŭ hiejaŭ i leśbijanak.
U novym materyjale aŭtar pryhadaŭ, što «atrymaŭ ad apanientaŭ «tytuł» zakaścianiełaha hamafoba».
Kubieka zajaviŭ, što «niedapuščalna, kali nieprymańnie nietradycyjnaj sieksualnaj aryjentacyi ludziej staviać na adnu došku sa źnievažańniem svabody asoby».
«Naciahnutaść hetaj tezy vidavočnaja, pakolki nichto ich [ŁHBT] volu nie abmiažoŭvaje», — ličyć žurnalist.
Toje, što pasolstva Vialikabrytanii vyviesiła nie tak daŭno viasiołkavy ściah ŁHBT, Viktar Kubieka nazyvaje «čarhovym demaršam u piku nacyjanalnym maralnym kaštoŭnaściam».
Jon asudžaje, što ŁHBT patrabujuć roŭnych adnosin ź inšymi členami hramadstva:
«A heta značyć dazvołu adnapołych šlubaŭ, adkryćcia śpiecyfičnych dla inšych zabaŭlalnych ustanoŭ i inš».
Na dumku Kubieki, u biełarusaŭ «histaryčna i fizijałahična zakładzieny kaštoŭnaści, ułaścivyja naturalnaj pryrodzie»:
«Hetyja ludzi pa ŭłasnym žadańni pazbavili siabie adnoj z asnoŭnych funkcyj čałavieka — praciahu rodu, što prakładaje razam z adnapołymi šlubami šlach u nikudy. I, jak kažuć u narodzie, jano nam treba?»