Uzrostavy paroh dla naviedvańnia kazino prapanujuć pavysić da 21 hoda
Ministerstva pa padatkach i zborach prapanuje pavysić uzrostavaj paroh dla naviedvańnia ihralnych ustanoŭ da 21 hoda. Pra heta siońnia ŭ čas anłajn-kanfierencyi na sajcie BIEŁTA paviedamiŭ kiraŭnik viedamstva Siarhiej Nalivajka.
Pa słovach ministra, hetuju normu źmiaščaje raspracavany MPZ prajekt ukaza, jaki stanie zaklučnym etapam realizacyi Kancepcyi raźvićcia ihralnaha biźniesu ŭ Respublicy Biełaruś. «Dla minimizacyi niehatyŭnaha ŭździejańnia azartnych hulniaŭ na nasielnictva prajekt dakumienta praduhledžvaje pavieličeńnie ŭzrostavaha cenzu dla naviedvańnia ihralnych ustanoŭ z 18 hadoŭ da 21 hoda, a taksama ŭtrymlivaje zabaronu dla naviedvalnikaŭ ihralnych ustanoŭ i virtualnych ihralnych ustanoŭ pradastaŭlać inšym naviedvalnikam, roŭna jak i ŭdzielnikam azartnych hulniaŭ, hrašovych srodkaŭ (elektronnych hrošaj) albo ich ekvivalentu (fišak, žetonaŭ, inšaha) dla ŭdziełu ŭ azartnych hulniach «, - adznačyŭ Siarhiej Nalivajka.