U zabojstvie repiera XXXTentacion abvinavacili čatyroch čałaviek
Kalehija prysiažnych akruhi Broŭard u štacie Fłaryda pradjaviła abvinavačvańni čaćviarym padazravanym u zabojstvie repiera XXXTentacion (sapraŭdnaje imia — Džasiem Duejn Anfroj).
Dvoje ź ich — 22-hadovyja Dedryk Uiljams i Majkł Boŭtrajt — užo zatrymanyja i znachodziacca pad aryštam.
Asoby jašče dvuch padazravanych ŭstanoŭleny - heta 20-hadovy Trejvan Ńjusam i 22-hadovy Robiert Alen. Adnak pravaachoŭnyja orhany pakul nie vyznačyli ich miescaznachodžańnie.
20-hadovy Džasiem Duejn Anfroj, jaki ličycca adnoj z hałoŭnych novych zorak amierykanskaha repu, byŭ zastreleny ŭ Majami 18 červienia. Muzyka staŭ achviaraj zbrojnaha rabavańnia. Pa dadzienych palicyi, zastreliŭšy XXXTentacion, złamyśniki skrali ź jaho aŭtamabila sumku Louis Vuitton, u jakoj znachodzilisia najaŭnymi 50 tysiač dalaraŭ.