Zaleva pryviała da transpartnaha kałapsu ŭ Mahilovie FOTY
U Mahilovie z-za mocnych zalevaŭ adbyŭsia transpartny kałaps, piša BiełTA.
Mocnaja zaleva kala 20.00 22 lipienia, možna skazać, patapiła horad u vadzie: niekatoryja vułački pieratvarylisia ŭ burlivyja reki, a łahčyny i ŭpadziny — u aziory. Śviatłafory na šerahu skryžavańniaŭ vyklučylisia, prajezd pa ich byŭ abciažarany vysokim uzroŭniem vady, «płyć» pa takim advažvalisia daloka nie ŭsie aŭtaamatary. Uzrovień vady dasiahaŭ u niekatorych miescach 30—40 sm.
Haradski hramadski elektratranspart stajaŭ niekalki hadzin. Pa horadzie pierasoŭvalisia redkija maršrutki i aŭtobusy. Navat dyśpietčary taksi nie prymali zajaŭki na vyjezd abo abiacali zabrać pasažyra na praciahu hadziny. Doždž prycich tolki za poŭnač. I tralejbusy narešcie zmahli viarnucca ŭ aŭtaparki, a zaadno zabrać pasažyraŭ.