Kiraŭnik Dziarždepa ZŠA paraŭnaŭ iranski ŭrad z mafijaj
Kiraŭnik amierykanskaha Dziarždepa Majk Pampiea zajaviŭ ab tym, što Iran siońnia «kirujecca čymści, što bolš nahadvaje mafiju, čym urad». Taki punkt hledžańnia jon vykazaŭ, vystupajučy ŭ Fondzie Ronalda Rejhana ŭ Kalifornii, pieradaje Reuters.
Svajo mierkavańnie jon patłumačyŭ, namiaknuŭšy na zhadanyja im raniej «nieźličonyja bahaćci» kiraŭnikoŭ Irana i ułaścivuju im, na dumku Pampiea, karupcyju. Irancy, jak ličyć dziaržsakratar ZŠA, pavinny samastojna vyznačyć kirunak dla svajoj krainy. A pakul jany heta robiać, Vašynhton «padtrymaje daŭno ihnaravany hołas iranskaha naroda», zapeŭniŭ Pampiea.
Urad ZŠA, jak raspavioŭ taksama kiraŭnik amierykanskaha zamiežnapalityčnaha viedamstva, źbirajecca zapuścić kruhłasutačny (24/7) kanał i radyjostancyju na farsi, «kab achapić iranskuju aŭdytoryju ŭ Iranie i va ŭsim śviecie».