Makiej: Spraščeńnia «šenhiena» nie budzie «zaŭtra-paślazaŭtra»
Ministr zamiežnych spravaŭ Biełarusi Uładzimir Makiej raskazaŭ u pieradačy «Kontury» na dziaržaŭnym telekanale ANT ab stanie pieramovaŭ ab spraščeńni vizavaha režymu ź ES. Jon kazaŭ, jość razumieńnie «nieabchodnaści zachoŭvańnia prahresu», piša Radyjo Svaboda.
«Pytańni ab zaklučeńni pahadnieńniaŭ ab spraščeńni vizavaha režymu i readmisii znachodziacca na stale našych pieramovaŭ ź ES, — kazaŭ Uładzimir Makiej. — Nie mahu skazać, što jany buduć padpisanyja litaralna zaŭtra-paślazaŭtra. Tam jość niekalki momantaŭ, pa jakich my ciapier praciahvajem kansultacyi z našymi jeŭrapiejskimi partniorami».
Readmisija — abaviazańnie krainy prymać svaich hramadzianaŭ, departavanych ź inšaj dziaržavy, i inšaziemcaŭ, jakija praz terytoryju krainy nielehalna traplajuć na čužuju terytoryju. Dakumenty ab readmisii Miensk i Brusel mielisia padpisać jašče ŭ 2015 hodzie na samicie «Ŭschodniaha partniorstva» ŭ Ryzie, adnak hetaha nie adbyłosia. Pavodle słovaŭ Makieja, — nie pa vinie Biełarusi.