«Daktary zabaraniali płyć»: Hanna Bond raspaviała, jak pierapłyła Basfor
Hod tamu Hanna brała ŭdzieł u Madrydskim paŭmarafonie. 21 km jana prabiehła za dźvie hadziny 50 chvilin. U razmovie z Jeŭraradyjo Hanna pryznajecca, što pierapłyć praliŭ było praściej, čym biehčy pa Madrydzie, chacia daktary zabaraniali udzielničać u zapłyvie, bo niadaŭna znajšli ŭ jaje astmu.
«Faktura u mianie nie biehavaja. Paśla marafonu ja pamirała, a ŭčora jašče navat prahulałasia pa Stambule. Mnie jašče astmu pastavili miesiac tamu. Ja ŭ balnicu trapiła. Daktary zabaraniali płyć. Ale, kažuć, Basfor skarajecca pačatkoŭcam. U im vada pośpiechu»,— uśmichajecca šouvumen.
Pa słovach Hanny, rychtavacca da zapłyvu jana pačała paŭhoda tamu (dahetul płavała tolki ŭ dziacinstvie z čarapaškami). Treniravałasia ad troch da šaści razoŭ na tydzień, šmat jeła:
«Ruki stali, jak u spartoŭca, a popa — kamień».
Błohierka pryznajecca, što bližej da finišu było ciažka:
«Było sustrečnaje ciačeńnie. Płyvieš chvilin dvaccać i nie ruchaješsia. Mahła zdacca, kali b jašče dvaccać chvilin paboŭtałasia. Tut taksama siły i stratehija patrebnyja».
Ciapier Hanna źbirajecca «zaniacca saboj, jak dziaŭčynka». Ale ci atrymajecca heta ŭ niaŭrymślivaj Bond? U «Fejsbuku» jana ŭžo pytajecca ŭ siabroŭ: «Što b takoje jašče prydumać?». Parady na luby hust — ad «Jeŭrabačańnia» da prezidenckich vybaraŭ u Biełarusi.
U štohadovym zapłyvie praz Basfor sioleta ŭziali ŭdzieł 2,5 tysiačy čałaviek z 50-ci krain.