ŁHBT-aktyvistku druhi raz aštrafavali za płakat «Sami vy padrobka»
Majuć sudzić i treci raz, bo apublikavała zdymki ź plakatam u troch roznych rajonach Miensku. Na spłatu pieršaha štrafu ŭžo sabrali hrošy, piša Radyjo Svaboda.
Sud Maskoŭskaha rajonu Miensku pastanaviŭ aštrafavać aktyvistku Viku Biran na 15 bazavych vieličyniaŭ (367,5 rubla) za fota ź plakatam «Sami vy padrobka», jakoje paličyli «masavym mierapryjemstvam — adzinočnym pikietam».
Tydzień tamu taki samy štraf za toj samy plakat joj prysudzili ŭ Centralnym rajonie. Paśla sudu joj pačali źbirać hrošy na spłatu štrafaŭ — na momant publikacyi nabrałasia bolš za 1000 rubloŭ.