Prezident Irana pryhraziŭ ZŠA. A Tramp adkazaŭ u tvitary kapsłokam
flickr.com
Prezident Irana Chasan Raŭchani ŭ niadzielu pieraściaroh ZŠA ad vajny z Tehieranam i zapatrabavaŭ «nie kusać ilva za chvost». Prezident ZŠA adkazaŭ u tvitary dopisam z pahrozami, napisanym tolki vialikimi litarami.
Chasan Raŭchani źviarnuŭsia da ZŠA padčas razmovy ź iranskimi dypłamatami. «Amieryka pavinna viedać, što pieramirje ź Iranam — heta maci ŭsich pieramirjaŭ, a vajna — maci ŭsich vojnaŭ», — zajaviŭ Raŭchani. Jon adznačyŭ, što ZŠA nie pavinny ŭmiešvacca va ŭnutranyja spravy Irana, i zapatrabavaŭ «nie kusać ilva za chvost, bo heta pryviadzie tolki da škadavańnia».
Donald Tramp adkazaŭ mienš čym praz sutki. U noč na 23 lipienia jon apublikavaŭ u «Tvitary» zapis, źviernuty da Raŭchani — i całkam napisany vialikimi litarami.
«NIKOLI NIE PAHRAŽAJCIE ZŠA, A TO PACIERPICIE TAK, JAK MAŁA CHTO Ŭ HISTORYI CIARPIEŬ. MY BOLŠ NIE TAJA KRAINA, JAKAJA BUDZIE TRYVAĆ VAŠYJA DURNYJA PRAMOVY AB HVAŁCIE I ŚMIERCI. AŚCIERAHAJCIESIA», — napisaŭ prezident ZŠA.
Raŭchani pakul nie adkazaŭ na zajavu Trampa.