Padpisany dekret ab harantyjach zachavanaści ŭkładaŭ nasielnictva
Dekret № 22 "Ab harantyjach zachavanaści hrašovych srodkaŭ fizičnych asob, raźmieščanych na rachunkach i (abo) u bankaŭskija ŭkłady (depazity)" i ŭkaz № 601 "Ab asobnych pytańniach ažyćciaŭleńnia bankami finansavych apieracyj" padpisaŭ 4 listapada Alaksandr Łukašenka.
Jak paviedamiła pres-słužba prezidenta, dakumienty nakiravany na ŭmacavańnie harantyj zachavanaści hrašovych źbieražeńniaŭ nasielnictva ŭ bankach i pavyšeńnie pryvabnaści biełaruskaj bankaŭskaj sistemy.
U aŭtorak A.Łukašenka pravioŭ naradu ab dziaržaŭnaj harantyi zachavanaści bankaŭskich układaŭ hramadzian. Jon zajaviŭ, što nieabchodnaść ukaranieńnia dadatkovych miechanizmaŭ zachavanaści ŭkładaŭ hramadzian vyklikana "i kłopatam ab stabilnaści nacyjanalnaj valuty, i imknieńniem abaranić intaresy ludziej, jakija zachoŭvajuć hrošy ŭ bankaŭskich ustanovach". Pryniaćcie dakumientaŭ pa ŭkładach nasielnictva nie dyktujecca niejkimi nadzvyčajnymi abstavinami, skazaŭ A.Łukašenka.