Nieščaślivy kaniec karjery Betyni
Słavuty italijski viełahonščyk Paała Betyni, alimpijski čempijon Atenaŭ (2004) i dvuchrazovy čempijon śvietu atrymaŭ surjoznuju traŭmu ŭ apošniaj honcy svajoj spartovaj karjery.
Słavuty italijski viełahonščyk Paała Betyni, alimpijski čempijon Atenaŭ (2004) i dvuchrazovy čempijon śvietu ŭpaŭ i atrymaŭ surjoznuju traŭmu. Heta zdaryłasia padčas pieršaha dnia šaścidzionnaha spabornictva ŭ Milanie
Pierad samym finišam u viełahoncy na treku Betyni sutyknuŭsia z ukraincam Jarasłavam Papovičam, jaki pavaliŭsia papieradzie. Italijec na vialikaj chutkaści braznuŭsia na padłohu j udaryŭsia hałavoj ab barjer tak, što šlem raźlacieŭsia na kavałki.
Betyni navat nie sprabavaŭ padniacca, jamu pastavili šynu, vynieśli z treku na nasiłkach i advieźli ŭ špital.
Tam stała viadoma, što 34-hadovy Betyni atrymaŭ hetkaje strasieńnie mozhu, što nia pamiataje samoha zdareńnia.
Hetyja spabornictvy mielisia stać apošnimi ŭ jahonaj karjery. Kahadzie ŭ vieraśni Betyni zajaviŭ, što pakidaje vialiki sport.