O dźvie
U vyniku DTZ u Baranavickim rajonie adbyłasia razhiermetyzacyja cysterny, u jakoj pieravozili dźvie tony zvadkavanaha kisłarodu.
Jak paviedamiła BiełaPAN načalnik adździaleńnia prapahandy i prafiłaktyki DAI UUS Bresckaha abłvykankama Natalla Sacharčuk, avaryja adbyłasia 4 listapada pryblizna ŭ 18.30 na 238‑m km trasy Bieraście — Minsk.
Vadziciel aŭtamabila «Dajmler‑Krajśler», 57‑hadovy bieraściejec, «nie vybraŭ biaśpiečnuju dystancyju pry abhonie i dapuściŭ sutyknieńnie z aŭtamabilem «ZIŁ», za rulom jakoha znachodziŭsia 37‑hadovy žychar Pružanskaha rajona. U vyniku «ZIŁ» źjechaŭ u kiuviet, i ad jaho adździaliłasia cysterna sa zvadkavanym kisłarodam. Adbyłasia razhiermietyzacyja cysterny ŭ rajonie harłaviny», - adznačajuć u DAI.
«ZIŁ» naležyć AAT «Pružanski rajahraservis», «Dajmler‑Krajśler» — adnoj z bresckich firmaŭ.
Jak zaznačyła N.Sacharčuk, vadzicieli transpartnych srodkaŭ nie paciarpieli, aŭtamabili atrymali miechaničnyja paškodžańni. Na miescy zdareńnia było arhanizavana dziažurstva pradstaŭnikoŭ DAI, MNS i rajonnaha adździeła ŭnutranych spraŭ.