U Miensku daražejuć taksi

Bolšaść apierataraŭ pasłuh lehkavych taksi ŭ Minsku zarehistravali novyja taryfy. Pra heta paviedamiŭ BiełaPAN načalnik upraŭleńnia cenavaj palityki kamiteta ekanomiki Minharvykankama Iosif Račycki.

Pavodle jaho infarmacyi, u asnoŭnaj masie apieratary zarehistravali pavyšeńnie taryfaŭ u siarednim na 20%. «Adnak niekatoryja apieratary źnižajuć ceny z‑za kankurentnaj baraćby», — zaznačyŭ načalnik upraŭleńnia.

Jon paviedamiŭ, što «ceny na pasłuhi taksi źmianiajucca nie adnačasova, nie z peŭnaj daty. Źmianieńnie taryfaŭ raspačata ź siaredziny kastryčnika».

Jak raniej paviedamlaŭ BiełaPAN dyrektar asacyjacyi «Staličnaje taksi» Kanstancin Kuźmiankoŭ, žadańnie taksistaŭ pavysić taryfy źviazana z rostam cen na haruča‑zmazačnyja materyjały i zapasnyja častki. Jon zaznačyŭ, što pra novyja taryfy na taksi možna daviedacca ŭ dyśpietčarskich słužbach firm‑apierataraŭ.

U słužbach taksi «107» i «135» BiełaPAN paviedamili, što pavyšeńnie taryfu čakajecca 10 listapada i jon składzie 1.580 rubloŭ za kiłamietr.

U asacyjacyju «Staličnaje taksi» ŭvachodziać 20 apierataraŭ taksi. U horadzie pracuje kala 3,5 tys. taksi.

Jak paviedamlałasia raniej, 5 listapada pavyšany miežavyja taryfy na pasłuhi maršrutnych taksi ŭ Minsku ŭ siarednim na 20%.

Kamientary da artykuła