Adamkus: «Suprać kaho źbirajecca dziejničać prezydent Rasiei?»
Prezydent Litvy Vałdas Adamkus nazvaŭ niezrazumiełaj zajavu prezydenta Rasiei nakont planaŭ dyślakacyi ŭ Kalininhradzkaj vobłaści systemy rakiet bližniaha radyjusu dziejańnia «Iskandier».
«Dźmitryj Miadźviedzieŭ supiarečyć sam sabie. Prezydent kaža pra žadańnie supolna dziejničać suprać ahulnych pahroz i skiroŭvaje svaje rakiety ŭ Kalininhrad dla neŭtralizacyi systemy supraćrakietnaj abarony ZŠA».
«Adnak heta systema skiravana nia suprać Rasiei, a suprać mahčymych vypadaŭ z boku niepryjaznych krain, u jakich znachodziać prytułak teryrysty. Rasiei heta dobra viadoma, ‑‑ skazaŭ prezydent Litvy.
— Uźnikaje pytańnie: «Suprać kaho imkniecca dziejničać prezydent Rasiei?»Vidavočna adno — kalininhradzkija rakiety dakładna nie ŭmacujuć baraćbu z teraryzmam».