Paśla zamachu na Maduru zatrymali 11 žurnalistaŭ, jašče niekalkich źbili i abrabavali
Paśla zamachu na prezidenta Vieniesueły Nikałasa Maduru ŭłady zatrymali 11 žurnalistaŭ. Pra heta paviedamiŭ u svaim Twitter u niadzielu Nacyjanalny prafsajuz rabotnikaŭ vieniesuelskaha druku.
«11 žurnalistaŭ i supracoŭnikaŭ ŚMI byli nieabhruntavana zatrymanyja, jašče niekalkich źbili abo abrabavali, - havorycca ŭ paviedamleńni. - My nie prymajem takija dziejańni i patrabujem pakarać adkaznych za heta parušeńnie prava na infarmacyju».
U liku zatrymanych prafsajuz zhadvaje supracoŭnikaŭ vieniesuelskich, ispanskich i arhientynskich vydańniaŭ.
Raniej kiraŭnik MUS Vieniesueły Niestar Rievierol paćvierdziŭ, što ŭłady zatrymali šaściarych padazravanych u sprobie zabojstva kiraŭnika dziaržavy.