Kali ŭ mietro apłacić kartkaj niekalki pajezdak, to jany śpišucca adnym płaciažom
U minskim mietrapalitenie źmianilisia ŭmovy śpisańnia hrošaj z bankaŭskaj kartki za prajezd.
Ciapier śpisańnie srodkaŭ z bankaŭskaj karty ŭ mietro budzie adbyvacca nie na kožnuju asobnuju pajezdku, a adrazu na niekalki pajezdak, ździejśnienych ciaham niekatoraha času.
Praviły ciapier nastupnyja. Śpisańnie adbyvajecca adrazu ž paśla kožnaj treciaj pajezdki. Albo kali vy za dvoje sutak prajechali ŭ mietro adzin-dva razy, to hrošy śpišuć ciaham hetych 48 hadzin.
Hetaja pracedura nazyvajecca ahrehavańnie — abjadnańnie niekalkich apłat u adnu finansavuju tranzakcyju. Jak tłumačycca, umovy śpisańnia hrošaj źmienienyja dla aptymizacyi i pamianšeńnia nahruzki na sistemu.
Košt pajezdki ŭ mietro siońnia — 65 kapiejek.