U Minsku paśla ŭžyvańnia psichatropaŭ zahinuła 19-hadovaja studentka
Pra heta paviedamlaje pres-słužba Śledčaha kamiteta.
«Pavodle źviestak śledstva, nievyśvietlenaja asoba 3 žniŭnia pradała maładym ludziam asabliva niebiaśpiečnaje psichatropnaje rečyva. Uviečary 4 žniŭnia kampanija z 8 čałaviek, čaćviora ź jakich - niepaŭnaletnija, sabrałasia ŭ kvatery zahinułaj dziaŭčyny». Jaje baćkoŭ doma nie było.
Pavodle supracoŭnikaŭ narkakantrolu Pieršamajskaha RUUS Minska, rečyva było rasfasavanaje z dapamohaj elektronnych vahaŭ u pustyja kapsuły ad miedycynskich preparataŭ. Kožnamu prypała pa 2 kapsuły z narkotykam. Pa adnoj kapsule prysutnyja ŭžyli adrazu.
Praź niekatory čas haspadyni «viečaryny» stała błaha. Vyklikali «chutkuju», ale reanimacyja nie dapamahła: dziaŭčyna pamierła.
Raspačataja kryminalnaja sprava pa artykule «niezakonny zvarot psichatropnych rečyvaŭ, jaki paciahnuŭ pa nieaściarožnaści śmierć čałavieka».