Rasija razharnuła la bierahoŭ Siryi samuju mahutnuju hrupoŭku karabloŭ
Za apošni žnivień rasijskaje złučeńnie ŭ Mižziemnym mory było ŭzmocniena da dziesiaci bajavych karabloŭ i dźviuch padvodnych łodak. Heta samaja bujnaja rasijskaja hrupoŭka za ŭvieś čas apieracyi ŭ Siryi
Apieratyŭnaje złučeńnie VMF Rasii ŭ Mižziemnym mory składajecca z 10 karabloŭ i dźviuch padvodnych łodak, heta samaja bujnaja hrupoŭka rasijskich karabloŭ la bierahoŭ Siryi z pačatku kanfliktu. Ab hetym piša hazieta «Iźviestija» sa spasyłkaj na Minabarony.
Zaraz u Mižziemnym mory znachodziacca karabli Paŭnočnaha, Bałtyjskaha i Čarnamorskaha fłatoŭ.
U skład złučeńnia ŭvachodziać rakietny krejsier «Maršał Uścinaŭ», vialiki supraćłodkavy karabiel «Sievieramorsk», vartavyja karabli «Pytlivy», «Admirał Esen» i «Admirał Makaraŭ», frehat «Admirał Hryharovič», małyja rakietnyja karabli «Hrad Śvijažsk», «Vialiki Uściuh», «Vyšni Vałačok». Akramia taho, hrupoŭka ŭzmocniena padvodnymi łodkami B-268 «Vialiki Noŭharad» i B-271 «Kołpina». Dla zabieśpiačeńnia hrupoŭki ŭ Mižziemnaje mora nakiravany vialiki marski tankier Čarnamorskaha fłotu «Ivan Bubnoŭ».