Nieviadomyja napali na vajskovy ešałon u rasijskim Zabajkalli
Hrupa nieviadomych pasprabavała napaści na vajskovy ešałon na čyhunačnaj stancyi ŭ Zabajkalli. U vyniku adzin z napadnikaŭ byŭ zastreleny vartavym, astatnim udałosia źbiehčy, paviedamlaje «Interfaks».
TASS
«Vajskoviec, jaki vykonvaŭ abaviazki vartavoha ŭ składzie varty pa achovie vajskovaha ešałona na stancyi Piatroŭski zavod, užyŭ zbroju pa hrupie nieviadomych asobaŭ, jakija parušyli miažu pasta, i raspačali sprobu napadu na vartu. Na papiaredžańni vartavoha i papieradžalny streł u pavietra nieviadomyja nie reahavali», — havorycca ŭ paviedamleńni Uschodniaj vajskovaj akruhi.
Adznačajecca, što prymianieńnie zbroi vartavym na pasadzie adpaviadała pałažeńniam Statuta harnizonnaj i karavulnaj słužby Uzbrojenych sił RF.