Kandytarskuju ŭ centry Amsterdama nazvali «Hanna & Frank». I heta vyklikała skandał
Uładalniki novaj kandytarskaj u centry Amsterdama paabiacali pamianiać nazvu paśla chvali krytyki ŭ ich adras, piša Bi-bi-si.
Nazva kandytarskaj «Hanna & Frank» (Anne & Frank) adsyłaje da Hanny Frank — jaŭrejskaj dziaŭčyny, što chavałasia razam ź siamjoj ad nacystaŭ u akupavanym Amsterdamie i što stała simvałam pakut jaŭrejskaha naroda ŭ časy Chałakostu.
Šmat kamu padobnaja suviaź bułačnaj z achviaraj Chałakostu padałasia niedarečnaj i biestaktoŭnaj.
Dom, u jakim siamja Frankaŭ chavałasia ad nacystaŭ, raźmieščany niepadalok ad kandytarskaj.
Uładalnik bułačnaj Rabierta Borsum, skazaŭ, što nie chacieŭ zakranuć ničyje pačućci, a nazvu pamianiaje.
Pavodle jaho słoŭ, jon padumaŭ pra takuju nazvu z-za raźmiaščeńnia bułačnaj. «Mnie padałosia, što heta dobraja nazva, ja da jaje staŭlusia jak da hieroja», — dadaŭ jon.
Hanna Frank uvajšła ŭ historyju dziakujučy dziońniku, jaki jana viała ŭ akupavanym niemcami Amsterdamie z červienia 1942 hoda da žniŭnia 1944 hoda, — uvieś hety čas siamja Frankaŭ chavałasia ad nacystaŭ u sakretnym prytułku ŭ Amsterdamie. Hiestapa paviedamili pra miescaznachodžańnie Frankaŭ, i siamju adpravili ŭ kancłahier.
Hanna Frank pamierła ad tyfu ŭ kancentracyjnym łahiery Bierhien-Bielzen u Hiermanii ŭ lutym ci sakaviku 1945 h. va ŭzroście 15 hadoŭ.