Žurnalist pasprabavaŭ zadać Parašenku niazručnyja pytańni — i voś što z hetaha atrymałasia VIDEA
Ukrainski žurnalist Ivan Kazora na svajoj staroncy ŭ Facebook źmiaściŭ videa, na jakim jon sprabavaŭ uziać kamientar u prezidenta Piatra Parašenki z nahody jaho pieradvybarnych abiacańniaŭ, infarmuje UNP.
Pa słovach Kazory, prezident Ukrainy abiacaŭ vydzielić hrošy z asabistaha dabračynnaha fondu na rekanstrukcyju Sabornaj płoščy Mikałajeva, ź dziaržaŭnaha biudžetu 10-15 miljonaŭ hryŭniaŭ (da 500 tysiač dalaraŭ) na ramont Centralnaha stadyjona Mikałajeva, a taksama vyrašyć pytańnie z ramontam tras dziaržaŭnaha značeńnia, jakija prachodziać praz horad.
Adnak, pačuŭšy hetaje pytańnie, prezident Ukrainy rezka schapiŭ mikrafon, zakryŭ jaho i niešta skazaŭ. Zatym achova adahnała žurnalista ad ukrainskaha lidara.
«Nie paśpieŭ ja zadać pytańnie, kali my ŭbačym vykanańnia hetych abiacańniaŭ, Piatro Parašenka schapiŭ mikrafon i siłaj apuściŭ jaho ŭniz, praciahvajučy ŭtrymlivać u ruce - tak, kab nie było čuvać, što jon mnie kaža. A skazaŭ jon nastupnaje: «Ty vyjdzieš, ja tabie raspaviadu», — napisaŭ Kazora.