Šajhu abviaściŭ pra najbujniejšyja z 1981 hoda vajskovyja vučeńni
mil.ru
Vystupajučy pierad žurnalistami ŭ Abakanie, ministr abarony Rasii Siarhiej Šajhu raspavioŭ pra toje, što vajskovyja vučeńni «Uschod-2018», jakija projduć z 11 pa 15 vieraśnia, stanuć najbujniejšymi z 1981 hoda. U ich voźmuć udzieł kala 300 tysiač vajskoŭcaŭ, 36 tysiač tankaŭ, BTR i inšych mašyn, bolš za tysiaču viertalotaŭ, samalotaŭ i bieśpiłotnikaŭ.
«Jany ŭ čymści paŭtarajuć «Zachad-81», ale ŭ čymści, mabyć, jašče bolš maštabnyja», — ukazaŭ Šajhu. Pavodle jaho słoŭ vučeńni projduć amal na ŭsich palihonach Centralnaj i Uschodniaj vajskovych akruhaŭ. U ich voźmuć udzieł Cichaakijanski i Paŭnočny fłaty, buduć poŭnaściu zadziejničany VDV.
Pravierka, pa słovach kiraŭnika Minabarony, budzie prachodzić va ŭmovach, maksimalna nabližanych da bajavych.