Sieviaryniec płanuje pravieści kala restarana ŭ Kurapatach «masavy mirny schod»
Fota Voli Aficeravaj
Sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec nakiravaŭ u Minski rajvykankam apaviaščeńnie ab praviadzieńni masavaha mirnaha schodu kala restarana «Pajedziem, pajadzim».
Meta schodu — vykazać pratest suprać pracy restaranna-zabaŭlalnaha kompleksu.
— Heta nie zajaŭka na pikiet ci masavuju akcyju, bo na jaje ŭsio roŭna nie daduć dazvoł. Tamu ja napraviŭ u rajvykankam uviedamleńnie ab mirnym schodzie, na jaki my majem prava pa Kanstytucyi. I ja ich ab hetym uviedamlaju. Jak užo jany buduć siabie pavodzić — heta ich spravy. Na miescy Minskaha rajvykankama ja b užo daŭno začyniŭ restaran i u ich nie było b prablem, — raspavioŭ Tut.by Pavieł Sieviaryniec.