Žerara Depardjo abvinavacili ŭ zhvałtavańni
Depardjo dvojčy pryjazdžaŭ u Biełaruś
Prakuratura Paryža pačała papiaredniaje rasśledavańnie abvinavačvańniaŭ u seksualnych damahańniach i zhvałtavańni suprać francuzskaha akciora Žerara Depardjo.
Abvinavačvańni byli vystaŭlenyja ŭ paniadziełak 22-hadovaj francuzskaj aktrysaj, imia jakoj nie paviedamlajecca, adnak viadoma pra ich stała tolki ciapier.
Sam Depardjo ŭsie abvinavačvańni abviarhaje, paviedamiŭ jahony advakat ahienctvu Frans pres.
«Žerar Depardjo uzrušany. Heta abvinavačvańnie supiarečyć tamu, chto jon jość, i tamu, što jon pavažaje», - skazaŭ advakat.
Pavodle jaho słoŭ, Depardjo paćviardžaje, što znajomy ź dziaŭčynaj, adnak całkam adchilaje lubuju ahresiju i hvałt u adnosinach da jaje.
Pa dadzienych francuzskich ŚMI, dziaŭčyna paviedamiła ab dvuch incydentach, jakija adbylisia ŭ žniŭni ŭ paryžskim domie Depardjo padčas repietycyj.
Pa dadzienych krynic haziety Parisien, 69-hadovy Depardjo byŭ siabram baćki dziaŭčyny.