1 kastryčnika ŭ «Akademknizie» startujuć prodažy hrandyjoznaha ramana «Bahusłaŭ Radzivił»
Tolki ŭ «Akademknizie» 1 i 2 kastryčnika kniha budzie pradavacca pa śpiecyjalnaj canie — 29,00 rubloŭ. U inšych kniharniach «Bahusłaŭ Radzivił» źjavicca paźniej.
Histaryčny raman-epapieja «Bahusłaŭ Radzivił. Niamiecki prync ź Vialikaha Kniastva Litoŭskaha» viadomaj ukrainskaj piśmieńnicy Iryny Danieŭskaj pryśviečany maładym hadam žyćcia Bahusłava Radziviła — adnoj z samych zahadkavych i supiarečlivych postaciej u historyi Rečy Paspalitaj XVII stahodździa.
Bahusłaŭ pražyŭ nadziva burlivaje, jarkaje žyćcio, zdolnaje vyklikać ździŭleńnie i zachapleńnie ŭ sučasnych čytačoŭ. Pryhažun, adčajny kachanak, niebiaśpiečny duelant i ŭ toj ža čas tonki palityk, dypłamat, advažny vojenačalnik, jaki asabista prymaŭ udzieł u viadomych bitvach Tryccacihadovaj vajny, šviedskaha «Patopu» i Chmialniččyny… Heta maštabny raman dazvalaje čytaču naviedać Anhliju časoŭ buržuaznaj revalucyi, Francyju epochi Ryšelje i Mazaryni, Hałandyju, Bielhiju, Hiermaniju, Aŭstryju, Małdaviju, Litvu i Polšču.
Raman zasnavany na bijahrafičnych zapiskach samoha Radziviła, na infarmacyi ź listoŭ i ŭspaminaŭ Bahusłava, jaho słuh, znajomych i svajakoŭ.
Pierakłała z ukrainskaj movy knihu Natałka Babina.