Brytanskija śpiecsłužby vyličyli treciaha ŭdzielnika zamachu na Skrypaloŭ
Jašče da pryjezdu ŭ Vialikabrytaniju niepasrednych vykanaŭcaŭ zamachu na Skrypala ŭ Sołśbiery pryjazdžaŭ supracoŭnik HRU, jaki pravodziŭ raźviedku na miascovaści, paviedamlaje hazieta Daily Telegraph. Pavodle jaje źviestak, mienavita jon dapamoh skłaści płan, jaki paźniej vykarystoŭvali inšyja supracoŭniki HRU, jakija pryvieźli z saboj u Vialikabrytaniju niervova-paralityčnaje rečyva.
Vydańnie śćviardžaje, što śledčyja vyśvietlili, jak zvali novaha padazravanaha, adnak pakul jaho imia trymajecca ŭ sakrecie.
Ab vyličeńni treciaha padazravanaha stała viadoma paśla taho, jak vydańnie Bellingcat vyznačyła ŭ Rusłanie Bašyravie (adnym ź mierkavanych vykanaŭcaŭ zamachu) pałkoŭnika HRU Anatola Čapihu. U Maskvie infarmacyju vydańnia nazvali «novym ŭkidam» i prapanavali prytrymlivacca toj viersii, jakuju ahučvali prezident Uładzimir Pucin i sami Bašyraŭ i Alaksandr Piatroŭ.
Što tyčycca Piatrova, to, jak śćviardžaje Daily Telegraph, jaho sapraŭdy zavuć Alaksandr, a psieŭdanimam źjaŭlajecca tolki jaho proźvišča.
Były aficer brytanskaj raźviedki Siarhiej Mihdał raspavioŭ Daily Telegraph, što pierad składanaj apieracyjaj nakštałt zamachu chtości abaviazkova pavinien byŭ pravieści raźviedku. «Ja tak razumieju, što jany śpiecyjalna prymierkavali zamach da pryjezdu ŭ Sołśbiery Julii. Heta davała harantyju taho, što ŭ hetyja dni Siarhiej Skrypal abaviazkova budzie ŭ horadzie. Kali b jany ŭvieś čas sačyli za jaho ruchami, to heta zaniało b zanadta šmat času i abaviazkova vyklikała b padazreńni », - vykazaŭ mierkavańnie jon.